სსბ-ის აქციონერთა რიგგარეშე საერთო კრება სამეთვალყურეო საბჭოს წევრის ცვლილებაზე იმსჯელებს

სს „თბილისის საფონდო ბირჟა“ (სსბ, საიდენტიფიკაციო კოდი: 405099682) აქციონერებს აცნობებს, რომ 2025 წლის 15 დეკემბერს, 12:00 საათზე, ჩატარდება ბირჟის აქციონერთა რიგგარეშე საერთო კრება დაუსწრებლად, წინასწარი ელექტრონული გამოკითხვის გზით.

კრების მოწვევის საფუძველს წარმოადგენს სამეთვალყურეო საბჭოს წევრის, ბატონ ირაკლი კირტავას წერილობითი მომართვა საკუთარი განცხადების საფუძველზე საბჭოს დატოვების შესახებ. სამეთვალყურეო საბჭოში ვაკანტური ადგილის შესავსებად, აქციონერის (სს „გალტ ენდ თაგარტი“) მხრიდან კანდიდატად დასახელებულია ბატონი გიორგი კუპრაშვილი (პ/ნ 01005013388).

დღის წესრიგი:

• ბირჟის სამეთვალყურეო საბჭოს წევრის ცვლილების შესახებ.

მნიშვნელოვანი ინფორმაცია აქციონერებისთვის:

• კრების სააღრიცხვო დღე: 2025 წლის 21 ნოემბერი. კრებაში მონაწილეობისა და ხმის მიცემის უფლება აქვთ მხოლოდ ამ თარიღის მდგომარეობით რეგისტრირებულ აქციონერებს.
• ხმის მიცემის წესი: ხმის მიცემა ხდება წერილობითი/ელექტრონული ფორმით. აქციონერებმა თავისი პოზიცია (ვეთანხმები / არ ვეთანხმები / თავს შევიკავებ) უნდა დააფიქსირონ ელ-ფოსტაზე: tkhizanishvili@tse.ge, 21.11.2025-დან 13.12.2025 წლამდე პერიოდში (კრებამდე სულ მცირე 2 დღით ადრე).
• წარმომადგენლობა: უფლების განხორციელება შესაძლებელია როგორც პირადად, ისე წარმომადგენლის მეშვეობით. ფიზიკური პირის შემთხვევაში, მინდობილობა უნდა იყოს ნოტარიულად დამოწმებული ან დადასტურებული კვალიფიციური ელექტრონული ხელმოწერით.

ხელმძღვანელი ორგანოს რეკომენდაცია და გადაწყვეტილების დეტალური პროექტი მოცემულია თანდართულ ფაილში. კრებაში მონაწილეობის უფლების გადამოწმება შესაძლებელია სსბ-ში ან აქციათა რეესტრის მწარმოებელ სს „კავკასრეესტრში“.